Сборник документов по русской истории (1866)

Сборник Муханова
Место издания: Санкт-Петербург
Издательство: тип. Э. Праца
Год издания: 1866

Привилей Князю Семену Можайскому на замки: Стародуб, Гомель , Чернигов и волости Каразов и Хотимль, на вечность, данной вел. кн. Литовским Александром

№58

ПРИВИЛЕЙ КНЯЗЮ СЕМЕНУ МОЖАЙСКОШУ НА ЗАМКИ СТАРОДУБЪ, ГОМЕЛЬ, ЧЕРНИГОВЪ И ВОЛОСТИ КАРДЧОВЪ И ХОТИМЛЬ, НА ВЕЧНОСТЬ.

(Граммата, касающаяся до внутренняго управленія В. К. Лит.)

Самъ Александръ Божію милостію. Чинимъ знаменито симъ нашимъ листомъ, хто на него посмотритъ, або чтучи его услышитъ, кому будетъ потреба того ведати: Билъ намъ чоломъ Князь Семенъ Ивановичъ Можайскій и прослъ насъ, абыхмо ему подтвердили нашимъ листомъ выслугу отца его Князя Ивановы замки, которыежъ выслужилъ на отце нашомъ Короле его милости, на имя Стародубъ и Гомель, и тежъ што онъ на насъ выслужилъ, замокъ Черниговъ и волости, на имя Карачевъ и Хотимль: ино мы упамятавши его ку отцу нашому, доброе памяти Королю его милости, и къ намъ верную службу, з ласки нашое, тыи вышей писаныи замки, выслугу отца его, што выслужилъ на отце нашомъ Короле его милости, Стародубъ и Гомель, и тежь што онъ на насъ выслужилъ, замокъ Черниговъ и волости Карачовъ и Хотимль, потвержаемъ симъ пашимъ листомъ вечно ему и его Княгини и ихъ детемъ и потомъ будучимъ ихъ чадкомъ. Маетъ Князь Семенъ и его наследки держати городъ Стародубъ а Гомей а замокъ Черниговъ и волость Карачовъ а Хотимль со всими дворы и волостьми и зъ селы боярскими и з слугами путными и зъ людми волостными и тяглыми и зъ слободичи и зъ данники и со всими ихъ землями пашными и зъ бортными и зъ ловы и зъ сеножатми и съ озеры и съ реками и зъ бобровыми гоны и зъ ставы и зъ ставищы и зъ даньми грошовыми и медовыми и зъ мыты и со всими платы и доходы, што здавна къ темъ замкомъ и волостемъ вышеписаннымъ прислухало. Воленъ то онъ продати и отдати и заменити и къ своему ужиточному обернути, какъ самъ наилепей розумеючи; нижли которымъ Княземъ и бояромъ въ техъ поветехъ подавалъ будетъ именя и земли и люди отецъ нашъ Король его милость, або мы , и на што они будутъ мети права, листы отца нашого и наши, въ то ся Князю Семену и его наследкомъ ненадобе ся вступати. А притомъ были велебныи и вельможныи: Князь Войтехъ Бискупъ Виленскій а маршалокъ нашъ дворный наместникъ Мерецкій и Оникщенскій панъ Григорій Станковнчъ Остиковича, а маршалокъ наместникъ Мойшагольскій и Дубиницкій панъ Бартошъ Табаровичь и иныи. А на твердость того и печать нашу казали есьмо привесити къ сему нашему листу. Писанъ въ Вильни въ лето 7007 [1499] месяца Марта 26 день, Инднктъ 2й.